Encamên Îmtîhana Saziyên Xwendina Bilind (YKS), ku bi mîlyonan xwendekar bi kelecan li bendê bûn, hatin eşkerekirin.

Navenda Nirxandin, Hilbijartin û Bicîhkirinê (OSYM) encamên Îmtîhana Saziyên Xwendina Bilind (YKS) a 2025an, ku di 21-22ê Hezîranê de hatibû lidarxistin, eşkere kir.

Serokê OSYMê Prof. Dr. Bayram Alî Ersoy, di daxuyaniya xwe ya li ser medyaya civakî de diyar kir ku namzed dikarin li ser sîteya " https://sonuc.osym.gov.tr " encaman bibînin.

Ersoy ragihand ku pêvajoya hilbijartinê wê di navbera 30ê Tîrmehê û 11ê Tebaxê de pêk were.

Ahmet Eren Ozyurtseven, xwendekarê Lîseya Zanistê ya Entabê Nizip, di YKS 2025an de di kategoriya puanên hejmarî yên Testa Jêhatîbûna Bingehîn (TYT) û Testa Jêhatîbûna Meydanê (AYT) de li Tirkiyeyê di rêza yekem de cih girt. Bi vî awayî, Ozyurtseven di her du kategoriyan de jî di rêza yekem de cih girt.

Di rûniştinên Îmtîhana Zimanê Biyanî (YDT) de, pênc xwendekarên cuda li Tirkiyeyê di pênc zimanan de di rêza yekem de bi ser ketin.

Namzedên ku encamên îmtîhanên xwe wergirtine, êdî dikarin zanîngeha xwe hilbijêrin. Di heyama hilbijartinê de, ku di 30ê Tîrmehê de dest pê dike û di 11ê Tebaxê de diqede, ew ê bikaribin li gorî puan û rêza xwe ya akademîk zanîngeh û beşa xwe hilbijêrin. (ÎLKHA)