Berdevkê Wezareta Derve ya Îranê Îsmaîl Beqayî diyar kir ku di danûstandinên Tehran û Muscatê yên li ser Tengava Hurmuzê de, ku nêzîkî sê hefteyan e berdewam dikin, pêşketin çêbûye û nîqaş di atmosferek erênî û avaker de dimeşin.

Berdevkê Wezareta Derve ya Îranê Îsmaîl Beqayî, ji medyaya Îranê re axivî û diyar kir ku Îran û Ummanê li ser nexşeya diyarkirina rêyên deryayî li hev kirine.

Beqayî diyar kir ku danûstandin bi awayekî erênî û avaker berdewam dikin, lê destnîşan kir ku Washington astengiyan ji bo danûstandinan diafirîne.

Merhaleya ewil a rêkeftina ku di 14ê Hezîranê de di navbera Îran û Emrîkayê de bi navbeynkariya Pakistanê hat kirin, destnîşan dikir ku li hember berdana mal û milkên cemidî yên Îranê ji aliyê Emrîkayê ve, Tengava Hurmuzê ew ê were vekirin û Îran wê ji bo derbasbûna ji vê rêya avê ya stratejîk bo 60 rojan pere nestîne.

Piştî îmzekirina peymanê, Emrîkayê mal û milkên cemidî yên Îranê bernedan û ji bo derbasbûna ji Tengava Hurmuzê rêyeke din a di nav avên herêmî yên Ummanê re destnîşan kir. (ÎLKHA)