Serokkomarê Îranê Mesûd Pezeşkîyan got ku di demekê de ku Îran di rewşek bihêz de ye û cîhan serkeftina wê nas dike çêtir e ku şer niha bi dawî bibe.

Li gorî rapora IRNAyê, Mesûd Pezeşkîyan li Civata Giştî ya Komeleya Pizîşkên Îslamî li Tehranê axivî.

Pezeşkîyan behsa gotinên Îmam Elî yên li ser aştiyê kir û got, "Îmam Elî dibêje: 'Aştiya ku dijminê te te vedixwîne red neke; lê paşguh neke û baldar be, ji ber ku dibe ku ew bixwaze nêzîkî te bibe û te bixapîne. Hingê peymana ku te çêkiriye neşkîne; ji pabendbûna bi peymanekê mezintir fezîlet tune ye.'"

Pezeşkîyan tekez kir ku ev nayê wê wateyê ku ew ê di bersiva êrîşan de teslîm bibin û got, "Ev her du mijar ji hev cuda ne. Em ê bi tu awayî li ber zulmê serî netewînin, di vê yekê de guman tune. Em ê heta nefesa xwe ya dawî li dijî wan bisekinin û bersivek pir xurt bidin."

Pezeşkîyan, tekez kir ku divê şer bi dawî bibe û ev tişt destnîşan kir:

"Divê şer di demekê de bi dawî bibe; baştir e ku îro ev yek were kirin, dema ku hêz û rûmeta me hebe, dema ku hemû cîhan serkeftina me qebûl bike, û dema ku em tekez bikin ku Emrîkayê bi îxlalkirina hemû rêzikan êrîşî dibistan, nexweşxane û binesaziya me kir, û ew di rewşek wisa de ye ku li cîhanê nefret lê tê kirin." (ÎLKHA)