Di encama êrîş û topbaranên rejîma sîyonîst de, ku peymana agirbestê li Xezzeyê îxlal dike, heft Filistînî şehîd bûn û gelekên din jî birîndar bûn. Ji dema ku agirbest dest pê kir heta niha, hejmara şehîdan gihîştiye 1288 kesan.

Rejîma sîyonîst 320 roj in peymana agirbestê li Xezzeyê îxlal dike û hatiye ragihandin ku di encama van êrîşan de 7 Filistînî şehîd bûne.

Li gorî çavkaniyên Filistînî, di saetên êvarê de, dema ku droneyek mala malbatek li nêzî dibistanên Ebû Huseyîn li Kampa Penaberan a Cebeliyeyê li bakurê Xezzeyê hedef girt, sê Filistînî hatin kuştin û gelekên din jî birîndar bûn.

Di êrîşên roja yekşemê yên li ser deverên cuda yên Xezzeyê de 4 Filistîniyên din jî canê xwe ji dest dan.

Di êrîşeke bêmirov a li ser herêma derdora Tiberyasê li herêma el-Mewasîh a li başûrê Xan Yûnisê de, Emîr Ehmed Îbrahîm el-Kedş ê 23 salî şehîd bû.

Ebdul Mecîd Ehmed Hîcab, ku çend roj berê li Kolana Selaheddîn a navenda Xezzeyê di êrîşeke li dijî motorsîkleta wî de birîndar bûbû, li nexweşxaneya ku lê dihat dermankirin canê xwe ji dest da.

Rizk Ebû Şahma, ku di êrîşa roja berê de li rojavayê Xan Yûnisê birîndar bûbû û Cemal Silêman Mercan, ku di êrîşa çend roj berê de li taxa El Emel a li rojavayê bajêr birîndar bûbû, jî ji ber birînên xwe canê xwe ji dest dan û şehîd bûn. (ÎLKHA)