Tenê çend roj ji cejnê re mane, Karwana Hêvîyê li bajarên cuda yên Sûrîyeyê xwarin, cil û berg û alîkariya pere gihand malbatên hewcedar, û alîkariya bi sedan malbatan kir ku cejnê bi kêfxweşî pîroz bikin.

Karwana Hêvîyê, rêxistineke ku li herêmên Efrîn, Cindêres û Hemayê ji bo malbatên hewcedar xebatên alîkariyê dike, di çarçoveya bernameya xwe ya 3 rojan de ji bo bi sedan malbatan xwarin, cilên cejnê û zikat peyda kir.

Ekîba alîkariyê ku Alîkar Serokê Weqfa Kawrana Hêvîyê Cafer Okmen, û Mehmet Faik Dogan, Koordînatorê Herêmî yê 2yemîn ê Weqfa Karwana Hêvîyê di nav de bûn, di roja yekem de diyariyên cejnê, xwarin û alîkariya dravî ji kesên hewcedar re, bi taybetî ji sêwîyan re, li navenda bajarê Efrîn û gundên wê belav kirin.

Di roja duyemîn a operasyonê de, alîkariya pere û cilên cejnê ji gelek malbatên li Kampa Henderat û herêma Cinderesê re hat dayîn, ku her du jî deverên pir niştecih in û malbatên Filistînî li nêzî Helebê dijîn.

Di roja dawî ya hewldanên alîkariyê de, ekîba Karwana Hêvîyê ber bi herêma Hemayê ve çû, li wir wan cilên cejnê û alîkariya pere gihandin malbatên hewcedar.

Cafer Okmen Alîkarê Serokê Karwana Hêvîyê, derbarê alîkariya ku hatiye dayîn de got, "Ji ber ku tenê çend roj mane ji betlaneyê re, em belavkirina alîkariya mirovî li gundên çiyayî yên Efrîn berdewam dikin. Di bernameya me ya 3 rojî ya Sûrîyeyê de, me çalakiyên alîkariyê yên cûrbecûr pêk anîn, di serî de alîkariya xwarinê kirin."

Mehmet Faîk Dogan, Koordînatorê Herêmî yê 2yemîn ê Weqfa Kawrana Hêvîyê, spasiya xêrxwazên ku beriya Cejna Qurbanê li Efrîn, Kampa Hendarat, Cinderes û Hemayê beşdarî xebatên alîkariyê bûn kir. (ÎLKHA)