Endamê Biroya Sîyasî yê HAMASê û Mesulê Karên Qudsê Harun Nasiruddîn, bal kişand ku berxwedana gelê Qudsê wê projeyên sîyonîstan beredayî bike. Nasiruddîn, bang li ummetê kir ku xwedî li Mescîdî Eqsayê derkevin.

Endamê Biroya Sîyasî yê HAMASê û Mesulê Karên Qudsê Harun Nasiruddîn, ji êrîşên rejima îşxalker ên li dijî Quds û Mescîdî Eqsayê re bi tundî bertek nîşan da. Berxwedana ku gelê Qudsê digel wêrankirin, sirgûn û zextan nîşan didin, bi zelalî nîşan dide ku planên îşxalê wê neserfiraz bibin.

Nasiruddîn di daxuyanîya xwe ya ku da de weha got, “Biryarî û sebra gelê Qudsê, îradeyeke ku ew ê hemû teşebûsên îlhaqkirin, tehcîr û cihûyîkirinan beredayî derxe temsîl dike. Çi dibe bila bibe ew ê van planan nekevin merîyetê.”

Nasirûddîn destnîşan kir ku herba dînî ya rejima sîyonîst ku Mescîdî Eqsayê û Qudsê hedef digre gihaştîye asteke talûketir, “Her êrîşeke nû, dawîya vê îşxalê nêztir dike. Het teşebûsekî ku Qudsê û pîrozbahîyên me hedef digre, wê jêbirina ji van axan a hebûna sîyonîstan leztir bike.”

Harun Nasirûddîn bang li alema Îslamê û Ereban jî kir û weha got, “Divê ummet, ji bo mîraca Pêxemberê xwe hêrs bibe, mesulîyetan bigre ser milê xwe û hemû alîkarîyan bike. her êrîşeke li dijî Mescîdî Eqsayê, êrîşeke ji hemû rûmeta ummetê re ye.” (ÎLKHA)