Serokê Emrîkayê Donald Trump îddîa kir ku Îran razî bûye ku bêdawî teftîşên nukleerî bike, lê Îranê ev îddîa red kir. Di demekê de ku danûstandinên di navbera aliyan de berdewam dikirin, Senatoya Emrîkayê jî biryarek sembolîk derxist ku daxwaza rawestandina êrîşên leşkerî yên li dijî Îranê dike.

Serokê Emrîkayê Donald Trump ragihand ku Îran razî bûye ku tesîsên xwe yên nukleerî bêdawî kontrol bike. Lêbelê, rayedarên Îranî diyar kirin ku di hevdîtinên li Swîsreyê de bernameya nukleerî nehatiye nîqaş kirin û di derbarê vegera mufetîşên Ajansa Enerjiya Atomî ya Navneteweyî bo welat de ti soz nehatiye dayîn.

Daxuyaniyên aliyan piştî bidawîbûna gera yekem a danûstandinan li Swîsreyê eşkere kirin ku li ser mijarên sereke yên ku hatine nîqaşkirin nakokiyên girîng hene. Der barê rakirina dorpêçên aborî, rewşa Tengava Hurmuzê û pêşketinên herêmî de nirxandinên cûda hatin kirin.

Serokê Emrîkayê her wiha ragihand ku wî destûr daye ku 6 milyar dolar ji hebûnên cemidî yên Îranê ji bo kirîna berhemên Amerîkî werin bikaranîn.

Tê texmînkirin ku danûstandinên di navbera aliyan de di 60 rojên were de berdewam bikin, û xalên sereke yên nakokiyê, bi taybetî yên di derbarê mijara nukleerî de, werin çareserkirin. (ÎLKHA)