Berdevkê Tûgayên Qessam ê baskê leşkerî yê HAMASê Ebû Ubeyde, di daxuyanîya ku bi vîdeoyî parve kir de weha got, “Ey serokên vê ummetê, partîyên mezin, alimên wî! Hûn li cem Xwedê yên ku em ji wan dewekarin in. Ji dewekarîya her êtîm, jinebî, koçber, birîndar û birçîyan hûn mesul in. Milên we, bi xwîna deh hezaran mesûman barkirîye”

Berdevkê micahîdên Îzzeddîn el Qessam Ebû Ubeyde bi vîdeoyê peyamek parv kir û daxuyanîyên muhîm da.

Ebû Ubeyde weha got:

“Ev 21 mehe ku berxwedana xelkê me û mucahîdên me weka çîyayekî saxlam e. Xelkê me yê mezin bi sebra pêxember mucadeleyê kir. Ev 21 mehe ku ev berxwedanê ji îşxalkeran re şerm û rezaletê hanî.”

Ebû Ubeyde îfade kir ku ev meheke rejîma terorê bi navê “Wesayîtên Gîdeonê” êrîşan rast dike û efsaneyên tewrata ku hatîye guherandin û tehrîf bûye êdî pê negirtîye û weha got:

“Em li dijî êrîşên ‘Wesayitên Gîdeonê’  bi operasyonên xwe mucadeleyê dikin û derdikevin. Bi îzna Xweda me operasyona ‘Kevirên Dawûdî da destpêkirin.’ Ev navê hanê nîşaneya zefera kevirê Dawûdî li dijî zalimê Calût e. Xweda zaferê kir nesîbê Mucahîdên me û kevirên wan îsabet kir. Di her darbeyan û operasyonan de vê ayetê tekrar kirin û gotin: ‘Wexta te avêt, Te neavêt, Xweda ew avêt.’ ”

Ebû Ubeyde îfade kir ku bi micahîdên Serîyyeyên Qudsê re me berxwedan û micadeleyeke pir mezin nîşan daye û me derbeyên giran li rejima terorê xistîye.

“Di van mehên dawîn de, me bi sedan leşkerên îşxalker kuşt û birîndar kir. Bi hezaran sîyonîst jî bi nexweşî û pirsgirêkên pîskolojîkî re mucadeleyê dikin. Hejmara leşkerên ku întîhar dikin jî zêde dibe. Lewra bê guman, sûcên mezin ên ku kirine û berxwedan û mucadeleya bi quwwet a mucahîdan bûye sebeba vê yekê.”

Berdevkê Micahîdên Qessam Ebû Ubede îfade kir ku ew dikarin ji bo demeke dirêj berxwedan xwe bi hêz û qeweteke mezin berdewma bikin û weha lê zêde kir:

“Êrîşên dijmin bi çi hewayî dibe bila bibe, em ji bo herbeka dirêj a giran û tesîrdar hazirin. Mucahîdên me beyat kirine ku hetanî zeferê û şehadetê di vê rê de mucadeleyê bikin û herbê dewam bikin.”

Ebû Ubeyde hişyarî da temamê xelkê cîhanê û got:

“Ev wezîfeya cîhada ku Rebbê me daye me, mesûliyeta 2 mîlyar Ummeta Îslamê ji holê ranake. Dijmin ji hêz û quwwetên herî mezin ên zalim, desteka çek û cebilxaneyan digre. Lê bi vê yekê re hêz û quwwet û hukûmetên ummetê hew tenê vê yekê temaşe dikin.

Em bi êş û hêrseke mezin ji tarîxê re weha dibêjin: ‘Ey serokên vê ummetê, partiyên mezin, Alimno! Emê li hizûr û cem Xwedayê Teala ji we şakî û gilîdar bin. Wê di her dawe û şîkayetên êtîm, birîndar, jinêbî, koçber û birçîyan de hûnê hebin. Li ser milên we barê xwîna bi deh hezaran kesan heye. ’”

Ebû Ubeyde pştî li ummeta Îslaamê serzenîşan kir û şûn ve ji micahîdên Yekema ku her tim destek û piştevanîyê dide berxwedan û gelê Xezzeyê re jî teşekuran kir:

“Ji xelkê bi îman û bi hîkmet  û ji hêz û quwwetên wê yên bi çek ên Ensarûllaha Yemenê re selam be. Wan bi berxwedan û mucadele û desteka xwe ya samîmî ji Xezze û mucahîdên Filistînê re, dijmin heyirand. Wan li dijî dijmin, cepheyeka tesîrdar vekir û li dijî bêdengiya alema Erebî û Îslamê, û partiyan û hêz û quwwetan delîleke mezin nîşandan. Çi eybe ku hinek êdî ji zilmê re bûne wesîle û bi bêdengiya xwe ji zilmê re bûne nîşane. Van kesên bêdeng mane, di çavê ciwantiyê de bê îtîbar bûne û sloganên wan ên mezin vala derketiye.”

Berdevkê micahîdên Qessam Ebû Ubeyde îfade kir ku ew destekê didin temamê hevdîtinên agirbestê û ew di nav çend mehan da teklîf kirine ku agirbesteke ku tê de temamî êsîrên sîyonîst teqas bikin, lê digel vê yekê rejima terorê her tim bi êrîşên xwe û Netenyahu û zêhnîyeta wî û wezîrên yên nazî vê teklîfê xera kirine û red kirine. (ÎLKHA)