Balafireke şer a MiG-29 li Sirbistanê ket xwarê: Balafirvan canê xwe ji dest da
Balafireke şer a MiG-29 li bakurê rojavayê Belgradê, paytexta Serbistanê ket xwarê û pîlotê wê canê xwe ji dest da.
Wezareta Parastinê ya Serbistanê diyar kir ku qeza roja Sêşemê li dora saet 08:45an de, li nêzîkî bajarokê Stara Pazova, ku bi qasî 50 kîlometreyan dûrî paytext Belgradê ye, qewimî.
Agir di kavilên balafira şer a ku li zeviyekê ket de derket û ekîbên ambûlans û polêsan sewqî cihê bûyerê hatin kirin. Medyaya herêmî ya Serbî wêneyên ku nîşan didin kavilên balafirê piştî qezayê di nav agir de mane, weşandin.
Wezareta Parastinê ragihand ku ji bo diyarkirina sedema qezayê dê komîsyonek taybet were avakirin. Di daxuyaniyê de pîlotê mirî wekî Major Goran Bulajic, ku di sala 1973an de ji dayik bûye û di sala 1996an de tevlî artêşê bûye, hat nasîn.
Derbarê sedema qezayê de hêj daxuyaniyek fermî nehatiye dayîn, lê hatiye ragihandin ku lêpirsîna bûyerê berdewam dike. (ÎLKHA)
Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.
Nûnerê Çînê yê Neteweyên Yekbûyî (NY) Fu Cong diyar kir ku êrîşên li ser tesîsên nukleerî yên Îranê hiqûqa navneteweyî îxlal dike û got ku divê çeteya îşxalker tevlî Peymana Belavnebûna Çekên Nukleerî (NPT) bibe û hemû tesîsên xwe yên nukleerî ji çavdêriya Ajansa Atomê ya Navneteweyî (AAEA) re veke.
Teşkîlata Birayên Musluman, li Misirê ku ew bixwe û gelek sazîyên îslamî yên li Ewrûpayê xistine lîsteyên terorê bertek nîşan da û diyar kir ku biryar bi armancên sîyasî hatine girtin. Teşkîlatê got, "Dewlet mirovan ne ji ber fikrên wan, lêbelê ji ber kirinên wan dad dike" û xwest ku biryar bên vekişandin.
Li Şerîaya Rojava ya îşxalkirî, sîyonîstên îşxalker pîrekek Filistînî şehîd kirin, 12 kesan jî birîndar kirin.