Îtamar Ben-Gvir, Wezîrê Ewlehiya Neteweyî yê rastgir ê rejîma sîyonîst, pêşnûmeqanûnek ji nû ve da destpêkirin ku armanc dike azanê  li axên îşxalkirî yên Filistînê sînordar bike. Ev pêşnûmeqanûn, ku berê ketiye nîqaşa parlemanî, ew ê sînordarkirinên li ser pergalên deng li mizgeftan ferz bike û cezayên deh hezaran şîkelî ji bo neguhdana vê pêşnûmeyê destnîşan bike.

Îtamar Ben-Gvir, Wezîrê Ewlehiya Neteweyî yê rastgir ê rejîma sîyonîst, hewlên xwe yên ji bo hedefgirtina azanê li axên îşxalkirî yên Filistînê zêde kiriye. Ben-Gvir, ku bi daxuyaniyên xwe yên provokatîf ên li dijî gelê Filistînê û nirxên Îslamî gelek caran dibe manşetan, di vîdyoyekê de ku li ser hesabê xwe yê medyaya civakî parve kir, piştgiriya xwe ji bo pêşnûmeqanûnek dijî azanê nîşan da.

Di vîdyoyê de, Ben-Gvir dengê azanê ya ji mizgeftan tê wekî "azarker" bi nav kir û got, "Ez ê dengê ji mizgeftan tê qut bikim." Wezîrê rastgir ê tundrew, ku li kêleka dîmenên banga nimêjê axivî, piştgiriya xwe ji bo rêziknameya nû nîşan da û got ku ew ê rewşa heyî biguherîne.

Li gorî rêziknameyê, sazkirin an bikaranîna pergalên deng di mizgeftan de bê destûr dê qedexe be. Mizgeftên ku li gorî rêziknameyan tevbigerin, dibe ku heta 50.000 şekel cezayê pereyan werbigirin. Ev mîqdar bi qasî 17.500 dolarî ye. (ÎLKHA)