Piştî ku Serokê Emrîkayê Donald Trump ragihand ku dorpêça Tengava Hurmuzê ew ê berdewam bike, fîyetên petrolê bi awayekî berbiçav bilind bûn. Fîyeta petrola Brent ji 125 dolarî derbas bû û gihîşt asta herî bilind a salên dawî.

Bazarên enerjiyê yên cîhanî bertek nîşanî daxuyaniyên Serokê Emrîkayê Donald Trump ên derbarê dorpêça behrê ya li Tengava Hurmuzê de dan. Trump diyar kir ku dorpêç ew ê heta ku bi Îranê re lihevkirinek çêbibe berdewam bike, ev yek jî fikarên li ser temînkirinê li bazaran zêde kir.

Piştî vê daxuyaniyê, fîyetên petrolê li bazarên Asyayê bilind bûn. Fîyeta petrola Brent, ku wekî bençmarka cîhanî tê hesibandin, ji 125 dolarî derbas bû û gihîşt asta herî bilind ji sala 2022an vir ve. Zêdebûna rojane ya petrola Brent ji %6 derbas bû, bi qasî 7 dolarî ji bo her bermîlekê zêde bû. (ÎLKHA)